تاريخ النشر : 08/24/2024, 22:34:57

زهراء الركابي 

ذي قار (القيثاره الذهبيه) 

 

★★★★★★★★★

 علي: وامير المؤمنين اني خفت اني و نجماتي كمنه نتراجف 

 

المدير : حبيبتي أيناس المشيه مالت الشيوخ اقصد اخوانج جاين ياخذوج و طلبولچ إجازة ع يوم السبت و الاحد تكدرين طلعين 

طلعت من الادره رحت جبت جنطتي و اجيت لكيتهم واكفين الولد راحو بسياره 

و أحمد سحلو وياهم بس اني بالمنشئه 

 

أيناس: رغودتي مشتاقتلج 

 

رغد : اععع يابه اني هم حتى رجلي اجه وياي 

 

أيناس: تدرين عبالي ما تجين 

 

رغد : عزايه كون ينصب إذا ما اوكف و اهلهلج هلوله ع عناد خالتچ و عمتچ المسمومه 

كرصته لان علياء كاعده ما احس غير علياء نفجرت 

 

علياء: اوف اوف ولج والعباس قلوبنه فتوها يبو غير اروحتنه طلعت 

 

أيناس: علياء جبتي الفستان و المسكه والكبع و عبايه البيضه مو 

 

رغد:  لا تخافين اجيته من الصبح و حظرنالج الاغراض و كالت علياء حفتلج جهرتج  

 

أيناس: اسكتي يمعوده لا يسمعج واحد 

 

علياء: شوف هاي بعده تستحي تسمع واحد يكله حفيتي قبال اهلچ

 

رغد : عادي أصلاً اني بعرسي لبست حجاب قبال ابوي لان صبغو الي ومن صبغت اضافري بعد ما طلعت 

 

علياء: والله زمنه حلو الحياء ترس وجه البنيه هسه بنات تستهتر

 

أيناس: خايفه بنات راح اموت من التوتر 

 

علياء: استري علينه لا تفيضين من التوتر 

 

رغد:  بلعباس جاي ع بالي اسويه هوسه وا ركص هسه وادك طبله

ضحكت 

علياء: هسه بس ينزلونه اخلي مصطفى ياخذنه هو و أحمد وياهم و نسويه زفه 

 

صدك نزلنه استراحه للحمامات و المغاسل 

و علياء حاجت ضياء و هو كاله تم 

صدك صاح علينه ابوي 

ابو أيناس: بابا انتي و علياء روحن بسياره زغيره 

 

أيناس: ليش بابا

 

أبو أيناس: حتى تخلصن من الغوه 

 

صدك والله بساعته صعدنه و بيبي طبكت ويانه هي و ساره بت احمد سياره جانت بوكته جيب توه نازله مصطفى بسدر و آني و رغد و بيبي بلنص و علياء هي و جهال ورانه 

 

الجده : حمودي ماخذ راته و عايف بنات اولايته 

 

رغد : أي بيبي عفيه هلا هلا 

 

مصطفى: عرس أيناس هيل وطش بلولايه 

 

أحمد: و صمخ مو أنه صاحبك كول حمودي 

 

مصطفى: لا خطيه بس عجايز تهوسله 

 

علياء:عوف المناكر احنه نزلنه مناك علمود نركص العباس عليكم شغلونه 

ساجده عبيد 

 

شغلو ساجده عبيد ع طلب علياء 

مصطفى يطك اصبعتين ويهز 

و احمد يهز رقبه ويسوق و بيبي تهوس بعباته و رغد بكل ما اتيت من قوه صفك و آني خانسه مستحيه 

 

علياء: والعباس احس نفسي احنه مخابيل و هي العاقله

 

مصطفى: عود يابه اني العروس و خجلانه مو احنه دافنيهن سوه 

 

أيناس: شقصدك 

محس غير احمد طكه هلهوله 

أحمد: يمه عبالي البت صارت خرسه ع حضي ولا حجتله كلمه عبالي نبلع السانه

 

هنا مكدرت الزم روحي بقيت اضحك بكل قوتي و هو يصيح

 

أحمد: خايبه اضحكي اروح فدوه لهل ضحكه اروح فدوه لهل عيون خايبه عيونج ذني لو بغداد اروح فدوه

 

صاح بي مصطفى

مصطفى: والعباس إذا ما ثكلت ارفسك طايح الحض ولك الانسوان تحب الواحد ثكيل 

 

متنه ضحك من أحمد سكت بعد ما حجه و آني هم أستحيت و هن خلصن طريق دك و ركص و مصطفى يدكلهن ع الترمز 

 

وصلنه النجف زرنه الأمام علي تغدينه و طلعنه كربلاء   بعد  وصلنه بس كبل للفندق من التعب الي بيه بقيت ابجي و اكلهم بس اوصلل للفراش رأسي ما احس بي بعد 

 

أحمد: سوده عليه بويه عمت عيني عيونج هجي طيح منهن دمعه 

و يمسح بدموعي كالهم روحو اني أخذه اخليه تنام حجز غرفه بيه اربع اسره الي و العلياء و رغد و بنته بقينه بلغرفه نمت وهو بقه يفرك براسي و يقرا قران نمت كعدت قبل  آذان الفجر لزمت المبايل وخابرت 

 

أيناس: الو أحمد

 

أحمد: كولي حبيبتي 

 

أيناس: احم أريد ننزل نصلي بين الحرمين تكدرن تاخذني 

 

أحمد: اني الاكدر بدلي هسه جايج 

 

كعدت علياء بته تبجي و كتله 

 

أيناس:رايحه وي احمد نصلي و نرجع 

 

علياء: أي قلبي روحي و آني اسد مكانكم مخلي احد يحس بس رجعي من وكت حتى نرتبلج شكلج 

 

نزلت و آني مبتسمه للرسبشن لان كال منتظرج 

 

أيناس: صباح الخير 

 

أحمد: احله صباح و عيونج الحلوة امشينه

 

ابو أيناس: هاي وين 

 

أحمد: خالي ريحين نتمشه 

 

ابوي هز راسه واحنه طلعنه

 

تمشينه بلشوارع و ايدي بايده 

 

و هو يردد قصيده باسم الي نحبه ثنينه و بصوته الاحبه 

احمد٫٫

اترك كل عشق 

و الدم و الهواء 

و ما اترك ابد حبك

و اسمع بالنبض 

بسمك  من يدق 

يانبض قلبك نبضك 

 

أيناس: الله  احمد كمل 

 

احمد ،،

يا واحد فلا 

غيرك بالبشر 

مثلك خلق ربك

اتكطع وصل 

و ارجع هم ارد

امشي اني بعشك دربك

 

أيناس : أحمد لا تتركني بيوم من الأيام 

أنت جنت ابوي الصغير و اخوي و سند و صديق و كلشي  و هسه بعد كم ساعه أتصير زوجي اني عرفتك أنتَ بس 

 

أحمد: على هل الاعتراف الخطير أجلب بيج بأديه و رجليه 

 

أيناس:هههه اني صاير اللساني طويل 

 

ضحك ضحكه خفيف و مشه بينه لحرم أبو فضل زرنه و اذان و صلينه بحرم ابو الفضل و رجعنه للفندق لان جان قريب ع حرم ابو الفضل 

تقريبًا 2:00 ظهر احنه كملنه اني لبست فساتي اوف وايت و كعب و مسكه ذهبيه وشال كله ابيض و طرف خرز ذهبي يجنن جانن و آني مخليت مكياج بس كريم و مسكاره لا صبغت ولا شي لان العقد راح يصير داخل حرم الفضل مثل ما ناذر احمد

 

لبستني رغد العبايه البيضه مال العقد أخذت نفس و ارمش أكثر من مره أريد اصدك اني اليوم عقدي ع الإنسان الي جنت كل ما كعدت ع سجادتي طلبته من رب العالمين اليوم اصير باسمه شافتني علياء اهفي ع عيوني حتى لا ابجي 

 

علياء: حتى اني راح ابجي بفرحتي بيكم 

 

رغد : والعباس ابو فاضل بجنطه ع صماخج إذا بجيتي و بجيتها كحله لا اتسيح

ضحكت و صاحت علياء

علياء: أحمد يتصل يمكن بالرسبشن يله حبي 

 

أيناس: رغد صوريلي كلشي حبابه 

 

رغد : افه تلفوني و تلفون علياء وعلي منتظرين بفارغ الصبر حتى تتلقون و نصوركم 

 

علياء: يله ننزل 

بيبتي و ابوي و خوالي ثنين و عمامي و أبوي و أمي و أم أحمد راحو قبلنه يزورن

و احنه الشباب بقينه اني و علياء و رغد و زوجها و ضياء و مصطفى ولد عمي ثنين 

نزلت و فتح المصعد و صارو بوجهنا احمد و الولد  مصطفى من فرحته كام يكمز ويهلهل و ابن عمي يصور بتلفون احمد 

 

سامي زوج رغد: ها خوتي ها 

 

الولد :ها

سامي : الخوه البيني و بينك صبابه و مصبوبه  

و يدبجون كلهم 

 

مصطفى: اليوم العرس ضلع من ضلوعي 

 

ضياء: ياهل القوط ذبو القوط حمودي لبس قاطه 

 

علي: كله عرست بس احنه ضلينه وام البنين نسوان تطينه 

الولد : امين 

 

حتى الناس الي بالفندق تبوعلنه وتضحك والي يصفك والي يهلهل على واهسنه 

دخلت علياء بنصهم و هوست و ضياء واكف بصفه و كاض بته

علياء: أريد اركص ركص و اكسر الكاشيه و آني أخت الولد مو أخت البنيه 

 

علياء : الليله عرس اخونه نلعب لعب خلونه 

 

شكد جانت لحضات حلوه لو تمر عليه ألف سنه ما أنسها 

 

تقدمته باتجاها و هو هم باس رأسي و اديه واحد بقه يباوع بعيون ثاني ثنينه

بجينه و نزلنه روسنه 

حضني بنصهم شالني من الارض وفر بيه بنص المكان والولد الي صفر والي يصيح والي يغني هرجو الجو هرج

 

طلعنه من الفندق نتمشه و العالم تباوع علينه مجان اكو هواي عقد قران بذيج فتره بين حرمين و تروح عروس لبسه عبايه بيضه ما اذكر شنو بلضبط بس الي اذكره جان بيد مصطفى امبيثري ع البلوتوث و مشغل بي موالد زواج الأمام علي و سيده فاطمه (عليهما سلام ) 

و نسوان كبار تلكنه بقن يهوسن و يهلهلن 

 

كل ما التف ع رغد الكها صور وابن عمي هم و حتى ضياء كل ما حجه شباب صورولهم ترى يحبون ذكره و تبقه صور عدهم

وصلنه للمكان الي كاعدين بي اهلنه بيبي من شافتنه هلهلت و العالم تباوع و احنه كمنه شترينه جكليت بطريقنه وبيبي تمشي وطش جكليت وتهله وساعه تهوس 

 زرنه الأمام الحسين عليه السلاموتوجهنه للضريح الأمام عباس عليه السلام هنا اني و أحمد نهارينه بجي و كوه لازمين نفسنه

وصلنه زرنه و كعدنه بالضريح و خالي راح هو و بابا يجبون شيخ يعقد النه بقينه كاعدين و بيبي كل شويه تهوس لو تصفك من اجه شيخ 

 

: هل تقبلين بزواج من احمد ..... .... على مهر مقدمه (....) و ماجله (....) 

بقيت صافنه ع رقم و شيخ كرر عليه سؤال و جاوبته 

 

ايناس: نعم و انت وكيلي

 

و دار على احمد و هم سائله

احمد: نعم قابلت 

 

نطرمت اذانتنه من هلاهل مصطفى و عماتي و بيبتي و علياء و رغد بالذات من تهلهل باذن إم حسين حتى تحرك قلبه واني قوه لازمه ضحكتي عنهم 

 

احمد : صرتي حلالي مرتي

 

رفعت عيوني عليه دمعت عيوني بقيت ابجي و هو حظني بنص ناس و يبوس بايدي و يشكر من أبو الفضل 

 

طلعنه من الحضره و نمشي اني ويا و نطش جكليت 

 

كعدنه وي اهلنه و احنه كاعدين 

سمعنه صوت سلام و هيجي 

 

رفعت رأسي و نصدمت بمنظر اخر ناس 

متوقعتهم يجون

أيناس …

يوم ستكتمل حروف الروايه وستكون العيون باكيه 

★★★★★★★★★

الحمدلله حمد كثير 

الهم صلي على محمد وآل محمد