تاريخ النشر : 08/29/2024, 22:32:24

ذي قار (القيثاره الذهبيه)

 

بقلمي الكاتبة زهراء الركابي 

 

★★★★★★★★★★★

علياء "

 

اخذت صينيه وطلعت بيه للستقبال كل احنه تجمعنه هناك ورغد راحت تسحل ب ايناس اتجيبه تكعد ويانه 

 

مصطفى: هاي شنو من مسوي هذا ريوك عاشت ايده يبوي يخبل 

 

يحجي ويتبوع الايناس الي صافنه مو يمنه اصلاً رفعت راسه مثل مذكره 

 

أيناس: مصطفى كملت الاوراق مالتنه الكتلك عليهن 

 

مصطفى بقه صافن صار ساعه نسوالف وهي طفرت على اوراق 

 

مصطفى: اي اي كملن ان شاءلله ورى ما نرجع اجيبهن توقعينهن 

 

انتفضت وهي تحجي جفلتنه كل احنه 

أيناس: لا لا اليوم جيبهن اوقعهن 

 

مصطفى: اي صار اخلص ريوك اروح اجيبهن واجيج توقعينهن

 

هزت راسه ورجعت الصفنته ادنت يمي رغد وحجت بهمس 

 

رغد: صايره مو طبيعيه لزم لنكه حل اله مستحيل ابقيه بهجي حاله 

 

علياء: شنكدر نسوي اذا هي حتى مدرسه قدمت انتساب حتى لا تطلع 

 

رغد: خليه وراي و ما عليج 

 

علياء: خلنشوف شتكدرين تسوين بله ست رغد 

 

خلصنه ريوك ومصطفى طلع وايناس كامت للمطبخ تسوي كيك رحنه ورها اني ورغد ونور وبتول احس صايرين شله ومتونسين سويه وحده تعرف مشاكل الثانيه 

 

أيناس: علياء ممكن طلب 

 

علياء: هلا امري 

 

أيناس: سوي كبت تمن كلش مشتهيته 

 

ابتسمت بوجه وهزيتله راسي ورحت اسوي الكبه نور كالتله اسوي كليجه وهي رحبت بلفكره وكل وحده اتفقت على اكله حتى ناخذه ويانه 

 

أيناس: بنات احس نفسي تعبانه ومالي خلك شي وداعتكم لا تزعلون مني لان ما اسال عليكم 

 

كامت عليها رغد حظنته وتسولف ويها واحنه كل وحده دكله كلمه شكل نخفف عليه خلصنه دخل مصطفى يصيح باسم أيناس 

 

أيناس: ها ابو صوف 

ابتسم هو بوجها وطلع القلم من جاكيته 

 

مصطفى: وقعي هنا دكتورتنه المستقبليه 

 

أيناس: خير خو ماكو شي اوقع بدون ما اقرا 

 

احنه نصدمنه وهو ضحك ضحكه قويه وسولها حركه طفوليه مال شخص راضي عله طفل ويلعب بشعره كعدت تقرى تتاكد من كل الاوراق وهو كاعد وكل شويه اسائل على شي وهو مبتسم ما مل من اسائلته وقعته وهو اخذ الاوراق وكال راح اوديهن الصديقي يحولهن للمحكمه حتى يتصرفون بيهن 

 

أيناس: مصطفى اذا اصير ضابط يلوكلي صح 

التفت عليه مصطفى مبتسم 

مصطفى: اذا عاجبج ايلوكلج بس شويه يردله وحده خشنه يعني مو ينكسر اضفره تكعد تنحب (تبجي) 

 

ضحكت أيناس واحنه ابتسمنه على ضحكته سنه ونص وهي ابتسامه وبلشفعات تبتسم 

 

رغد: يمه شكد ارتاحيت من سمعته تضحك 

اجت تتمايل بمشيته ونزلت شعرها عال طول ظهره وتلعب بي غمزت للبنات وصاحت نور بخفه 

 

نور: ها بـ **** شو صفنين وتلعبين بشعرج وتتمايلن وغمزتله 

 

ايناس دارت تبوعتله بنظره مستفزه من فوك ليجوه وعادته عليه اكثر من مره وهزت ايده اني ورغد وحده تتبوع للثانيه يمكن نست وجودنه 

 

رغد: احم اكلج ايناس يعني انت من تصيرين ضابط تبقين تشتغلين ويا 

 

ايناس: لا اصير احسن منكم كلكم كلته وضحكت على رغد استفتزته 

 

رغد: والعباس مو صوجج صوجي اصبريلي 

كامت عليها وايناس ركضت محسينه غير وكعت بقينه مصوفرين الوجوه دخل ضياء وعلي يركضون 

 

ضياء: مي علياء مي بسرعه 

 

ركضت نور جبت المي وهي بقت بحظن ضياء على رجله 

ضياء: بويه ايناس بنيتي احجي بيج شي 

كعدت على حيله حطت اديه على وجه وبقت تبجي سحبته الحظني ورغد سحبته تمسح بدموعه كل احنه بقينه صافنين هاي شصار دخل مصطفى لكنه ملتمين وهي متربعه بلكاع 

 

مصطفى: شبيه 

 

ضياء: داخت وصارت زينه هسه 

 

مصطفى دار عليه هز ايده ويضحك بيه 

صح حزت بخطري مكان اخوي راح بس بنفس الوقت هيه خطيه ما حصلت شي بحايته وكل شويه متمرضه من غير خواني الي يضغطون عليه علمود تتنزل عن الوكاله وهي متكدر امانه يمه 

 

كامت ورغد بقت تاكل بروحه لان ركضت ورها ونور بقت تسوالف ويها تهديه بعد مابين هبطه بعد 

 

بتول "

 

تبوعت للكل اني وين اوصل بعد شيصير بيه نخطبت مرتين ونفصخت خطوبتي حمدت ربي وطردت الافكار من راسي واني اشوف ايناس تتعب يوميه حمدت ربي وغلست عن الموضوع وسكتت 

 

طلعتنه العصر الكربلاء وايناس بس صافنه بطريق عمي ابو ايناس ويانه كاعد بلكرسي الي ماقبيله ويفتر عليه يرده بس سوالف ويا وهي مو يم دنيا بس من حجه علي 

 

علي: ما اروح للمكبره شعدنا رايحين ويانه جهال 

هو كال ههجي وايناس طفرت عليه بدون ما منتبه لنفسه واول مره اتسويه تجاوز على ولد عمي بس الكل عاذره 

 

ايناس: الي يخاف على جهال لا يروح ويانه اذا انت معدك عزيز هناك لاتروح محد ضربك على ايدك اصلا صار طريق يا مسهله عدي واندله بسرعه اروحله ما محتاجه احد 

 

تبوعله بصدمه وامها رادت تحجي عليه بس علي منعهم وكالهم اني راضي انتم شعليكم تقدم مصطفى وعلي يهمسون يمها منعرف شحجو بس هي بجت وتعلكت بقميص علي وتعتذر منه وهو باس رسه ويهدي بيه ومصطفى طرد عمتي وهو يضحك ويغمزله 

وهيه اجت يمي لان جان كاعده يمها

تبوعتلي عمتي 

 

هدى: بعدج تحبي اذا بعدج تحبي كليل اكسرلج ركبته واخطبه الج 

 

ضحكت على سوالفه واشرتله بلا وبقيت اسوالف ويها جانت بعدها دنيا العصر وصلنه للنجف بليل وي الاذان صلينه وايناس بقت تحوس وكل شويه تتبوع المصطفى وهو يحركله بعيونه بمعنى اصبري هي متحملت حجت

 

ايناس: بابا اريد اروح للمكبره بعد ما اتحمل

 

ابو ايناس: اصبري بابا بعد وكت ودنيا لليل شياخذج خل يطر الفجر وننزل كلنه سويه للمكبر 

 

مصطفى: عمي اني اخذه وانتم على كيفكم خلصو وتعاي 

 

امها دكت رجله متروح وحده عاد كمت اني كتله عمي اني اروح ويها اجرنه تكسي ذبنه بلمكبره 

 

مصطفى يمشي كدامنه والامبيثري بي قران وصوت عالي وبيده لايت وتلفونته مشغله على الفلاش وهي بس تريد توصل 

 

وصلنه قريب يم الكبر وهي عافت ايدي وراحت تركض قبلنه ونزلت على الكبر تبوس بيه وتبجي والعبره خانكته وكل شويه صيح باسمه وترفع راس للسمه وترجع تحظن الكبر 

 

ايناس: شنو الي يخليني اقوم من بعدك حتى عافيتي راحت مو جنت الاهواى الشهكه هسه حتى من يدخل بريتي يخنكني من بعدك 

 

ظربت الكبر بايده وصيح بكل قوته 

 

ايناس: اذا تحبني صدك كوم اذا عدك غيره عليه كوم ورد عليه لا تخليني ارجع مكسوره منك 

 

التفت عليه مصطفى اطني قطعه قماش كل اني متعود تجي ضل فتره طويله بس انتي لا هاج افرشيه ونامي صدك 

اني تعبانه وصوت قران نمت بس اسمع شيحجون وشنو يكاله مصطفى 

 

مصطفى: اذا تحبين احمد صدك خلينه نزوج كملي المعاملات ونزوج لاتكسرين بخطري

 

ايناس: مصطفى ما اريد تتعب وياي الي بيك مكفيك والله مكدر تتعب وياي والقران ما تستحملني وتمل مني 

 

مصطفى: والله ما تتندمين بس وافقي 

 

ايناس: مصطفى والله اخاف ادخل بتجرب جديده 

 

مصطفى: يعني تحبيني لو لا 

 

ايناس: احجي وما تزعل مني 

 

مصطفى: ابد والله احجي استقبل كل شيء منج 

 

ايناس: ما حبيت ولا راح احب غير احمد وهو الحب الاول بحياتي اب وصديق والاخ واخر شي اختمه بحبيبي ولوله هل حادث هسه احنه عدنه طفل يمشي ويانه 

حسيت مصطفى غصه بقلبه بس هي كملت كلمه وحجت 

 

ايناس: بس ارتاح من اسولف وياك من اطلع احب وجودك يمي 

 

مصطفى: شنو شعورج وصلي الي 

 

حسيته طفل ويريد بس كلمه وهي متلخبطه ومستحيه وخاصه لان يعرف علقته هي واحمد ويسولف ويا جان ويشرحله مشاعره 

 

ايناس: معرف اعبر مصطفى والله عوفني فدوه لا تضغط عليه 

كعد بصفه وكظ ايده خله على كبر احمد ويحلف بيه تفكر عدل وما ترفض حتى يروح يفاتح عمي بلموضوع 

تقريب جانت ساعه 12 داهمني النوم ونمت ومعرفت شصار بس كعدت وي الاذني لكيت مصطفى فارش سجادته يصلي وايناس نيمه على كبر احمد وحظنته ومن ضوه الخفيف شفت تعبير وجها هواي باجيه وعيونه منفوخه اجاني صوت مصطفى 

 

مصطفى: تركيه نايمه بلكوه نامت صارت صلاة اذا تردين صلين ذاك الماي 

هزيتله راسي ورحت توضيت وكعدت اصلي تقريباً توها تطلع الشمس وشفت عمامي اجوي رغد ركضت على بته 

كعدت ايناس مرعوبه من صوت بجيهم وهم شاركتهم علياء وبيبتي وعمتي هدى وهناء وابو ايناس كلهم دمعه وحده وهي كاعده على كعدته وبس راسه بين رجليه 

 

تعبو وكامو ونطلع وايناس مثل الي بخاطره تبقه بس مصطفى دارك الموقف وحجه 

 

مصطفى: بس نرجع من ايران قبل اجيبج هنا وداعت عيونج بس انت هم تعبتي من البارحه هنا عيونج راحن 

 

هزت راسه بقبول صعدت بلمقدمه يمهم علمود تبريد وابوها منيمه على رجله ويمسح على راسه وهي لو صافنه لو نايمه ما تحجي ابد وما مستغربين لان هي صدك تعبت 

 

كعدت يم بنات نور ورغد وعلياء سولفت الهن الي صار 

 

رغد: واحنه مالزم نبقه ساكتات ياهي الي تكظه تنصحه على ما توفق عليه خلي ترتاح وتنسه الماضي وهو هم مبين يحبها

 

بتول: بس مو حلوه تزوجه علمو تنسه بي ميصير 

 

علياء: لا والله تخطت وحتى دكتور كل نكدر انكول ستقبلت الموضوع بقا التقبل والواقعي وهو نخليهم خطبه فتره معينه 

 

هزيت رأسي شبيه صدك جذب اني اول داعمين جنت الهم هسه ضايجه ليش شبيه صليت على محمد وستغفرت 

 

تابعت كلامهن وتفقت اسوي وياهن كل شيء 

 

نور"

 

تبوعت البتول وتحسرت هم ماله ذنب 

رحنه الكربلاء حجزولنه شقه واني علي اخذن بتنه وحجزنه غرفه وحدنه بفندق 

 

: علي تروح وي مصطفى لو راحو ايران علمود عمليه 

 

علي: انت اذا تردين ترحين ما اكدر امنعج بس بتج شون 

 

: امي تكفلت بيه وعمتي واختك ريم همين فدوه مريد اعوف ايناس وحده 

 

علي: ان شاءلله انروح جوازج جاهز حتى نسحب فيزه ومنخلي عمي يروح خطيه احنه روح بمكانه 

 

: اي كامل ومجهزته بس تكولين تعالي الم ملابسي واجي وياك 

 

ضحك على كلامي 

علي: ايناس تعبت هواي تستاهل هجي صديقه 

ابتسمت بوجها خلصنه الليل بالفدنق نزله ثاني يوم وي البنات بتول وعلياء وايناس وازواج البنات رحنه نزور وكعدنه بمكان قريب على قبت ابو الفضل عليه السلام بطلب من ايناس 

كاعده وتبجي بصمت كل شويه تمسح دموع حجيه ضياء يلطف الجو 

 

ضياء: ايناس تسمعيني بعد ابوج 

 

ايناس: ها خويه كول

 

ضياء: خويه ترى بس العاشق يبجي بصمت و يدعي بقلبه الي مريض يحجي بصوت عليه كولي بعد خوج منو تحبين وما اجاج هسه اني اخطبه الج 

 

هو كال هجي وهي تضحك وتمسح بدموعها 

 

ايناس: الي احبه اشغله اغنيه ساجده عبيد اجييك لدرب كتلك اجيبك وتحرك بحاجبه

 

ضحك ضياء وغمز المصطفى 

ضياء: جابوك بعد عمك وعلي صرت تمشي على دربهم

 

ضحكنه عله مصطفى شون فك حلكه على ضياء لان ضياء ميدري وعرفنه انو مصطفى يستحي من ضياء وما يكله شي لان هو تقريباً اكبر واحد بينه عمر 35 واحنه الشله كله اكبر نفر عدنه علي 30 واحنه كلنه نحترمه ونستحي منه لان اكبرنه حتى علياء بس علياء قريبه علينه وذابه الميانه فما نستحي منه وبالعكس اذا صار شي ركضناله حته انه 

 

جهالهم ينحبون احمد صغير على كولته شبه خاله هذا هو يسدني لولو بته عيونه زرك وينخاف عليه من جمال داماً مسويه كصايب اثنين ونادره وهم عاقله ومكتفين بيهم اتكول الحمدلله عوض بعد 18 سنه ذوله 

 

رغد وزوجه هادئين مو من النوع الي يسون مشاكل يضحكون ويشاقون ويانه وسبورت عده وليداتها  ثنين جماله وابنيه صارت بعد وفات بته ساره 

 

بتول انخطبت ورى شهر من خطوبه اجه الولد فصخ الخطوبه وكالهم ماكو نصيب ومشه وهي بقت بحال صدمه اقرب صديق جان اله مصطفى خالها تتخطى من حجينه وياهم بموضوع الزواج ثنيهم رفضو وكالو احنه ما ناسب بعض وكتفينه بهذا القدر ومصطفى اكثر شخص رفض ومن سالنه اكتفه بالسكوت ومن حجيت وي علي بالموضوع كالي ترى يحب أيناس وهنا كانت الصدمه بالنسبه اليه 

 

اني تركت السنه وعلى سنه الي بعده اقدم سادس علمود بنتي ندلعه شموسه 

هي اسمه زهراء بس لان شعرها اصفر يصحله جده شمس علي ترقه والحمد لله ماشيه حياتنه اجرنه شقه وطلعنه الوحدنه والصبح انضف بيتي واروح لبيت اهل علي لان قريبين ومن يروح علي واجب ابقه اني بالبيت وحد وهو يغب ثالث ايام بس مو بيتهم قريب علينه ما اخف 

 

اما ايناس فيردله كلام هواي يوصف حالته سادس بجها افراق احمد بجه جلسه الطبيب بجه اهله وكلام الناس اطالع والنازل احس اني من يمي تعبت من كلامهم هي شون تحملته واكثر كلمه سمعته تنكال اله انتي فكر لو ما فكر ما يموت زوجج قبل عرسكم بايام احس اختنك وما اكدر اسكت وتعرك وي بت عمهم على هل كلمه وعلي ما قبل كال لا تدخلين بمشاكلهم لان توديج وره شمس وخالته بعدي الف ميل لان كلهن سحرات 

رجعو اخوان احمد يردون الورث مالت احمد والي صدمني احمد جان سايق تكسي منيله كل هاي الاملاك بيوت بغداد وناصريه وقطع اراضي ومجمعات ومعارض بالناصريه وبغداد واربيل 

من حجيت وي ايناس كالت هو من زمان يشتغل مخلو يدرس للسداس ابتدائي وبطلو خلو يشتغل وهي مقبلت تتنزل الهم تكول كلهم حقراء ولا وحد بيهم يستاهل ربع وخاصه امير جان احقر خلق الله وينتظر احمد يطيح حتى ياخذ فلوسه بس يحلم احمد نايم جوا التراب وهما يخذون فلوس يتونسنو بيهن لو ادري احركهن والي عجبني احمد منطي الوكاله الها ومسجل كلشي بيده وكاتبه وصيته من 2014 وضامه 

 

اخذت نفس واني اشوفهم كله مجمعين يسولفون على ايناس وايناس تبتسم بتعب 

 

علي: اني ونور راح اروح وي مصطفى وايناس ايران 

 

علياء: لا اني اروح وتفقت وياهم من زمان 

 

نور: لا علياء انتي جهالج وين تخليهم اذا رحتي وياهم وضياء هم يريد يروح شون بعد تبقين قسمين لا انت من جهالج ولا انتي وي ايناس اني معدي شي بتي اخليه عد امي فارغه كل شي ما عده راسه براس ابوي 

 

علياء: والله ميطيني قلبي اعوفها وحدها 

 

نور: جا شنهي اني خراعت خظره 

 

ضحكت وايناس دمعت عيونه وانتحبت بصوت عالي 

ايناس: الله لا يحرمني منجن بجاه النبي كمنه عليه كل احنه وحظنها 

 

ضياء: هسه شنو ورى ما ترجعون من ايران نسويلكم عرس مو 

 

ايناس نزلت راسه ومصطفى ابتسم ورغد هلهلت معنتها وافقت اي واخيراً نفتت كلوبنه انوب علياء دمعت عيونه وايناس وياها هم وحده حاظنه ثانيه ويبجي رجعنه للفندق وهمه راحو للشقه 

وعلي كال كعديني الفجر عندي شغله بكربلاء وي مصطفى اذان الاذان وكعدت علي طلعنه وداني يم البنات واخذ مصطفى وطلع 

 

علي"

 

: متاكد من قرارك مصطفى مو بعدين وتكول شورطني 

 

مصطفى: لا وداعتك حابه ما اتندم وايناس انسان نقيه و وفيه ومعده حقد او خباثه انسانه صافيه 

 

: جنك راح تفوت زايد سد حلكك 

 

ضحك بصوت عالي وحجه

مصطفى: ادري بشنو جاي تفكر واعرف ليش رافض هذا زواج لان تحب احمد وتدري يغار عليه بس تخيل يردون يزوجوها الحسين الي عمره ما حبه احمد ولا يريده يتقرب يمه على الاقل اني ابن عمه اوله بيه 

 

علي: الله يتتم على خير ان شاءلله 

 

صح اني فرحان المصطفى بس نفس وقت قلبي مقبوض على احمد مكدر اتخط خطيه شنو ذنبه ما تهن بزوجه حتى لو لليله وحده سحبت نفس ودرت على مصطفى 

 

علي: خلينه اروح للامام الحسين (عليه السلام) تعبان اشويه اريد اروح هناك 

 

مصطفى:اي مشينه 

 

بقيت بالحضره وقلبي ينغز بيه عيوني دمعت احمد اخوي ومصطفى اخوي احمد عايش بروحي ومصطفى عايش ويانه وثنيهن صعبات عليه تمدتت ونمت اول ما حطيت راسي بالكاع من تعب مادري من قهر حلمت باحمد ولاول مره ما اذكر كل شي صار بالحلم بس اذكر هو شون فرحان ونزع الستره مالته واطها المصطفى ومصطفى ما رضه ياخذه وهو مقبل اله خذها مصطفى 

 

كعدت من حلمي وعرف اني حتى لو اعترض رب العالمين ريدلهم ينجمعون لا اني ولا اي بشر يعترض يكدر يفرقهم

 

خلصنه يومين بكربلاء رجعنه للناصريه مصطفى مشى بمعملت املاك احمد وكاله كل شي تم وايناس يوميه تنتكس حالته كامت ما تتحرك من فراش والبنات اكثر من مره راحن لكنه تعبانه بزايد ستعلجنه اني ومصطفى بالفيز والتذاكر وكلشي بالليل طلعنه اخذنه ايناس وجانت ما تتحرك كعدنه على كرسي متحرك وهي ساكته هدوء تام مو ايناس الي تهرج دنيا بصوته بس مصطفى مكيف بيه يسوالف ويظحك وييها وكل شويه يطلع تلفون يصور ويها وينزل بحسابه بالانستا ويصورله كل شي وهي بس تبتسم اله وحتى احنه من نحجي ويها يكون رده بارد بس مصطفى تحول تكسر الحاجز بابتسمه ومن حجيت وي مصطفى يكول محد يفهمه معليكم اني بس تبتسم اطير من فرح بيه وتطيني طاقه اكمل ويها سكتت لان الولد طايح على وجه بحبها 

 

نور: علي شبيك تصفن صار ساعه احجي

 

علي: ماكو شي بس ضايج على شموسه بقت وحده 

 

نور: مكيفه على امي وخابرته قبل شويه تكلي تاكل وتلعب ولا يمكم اصلن 

 

علي: الحمدلله يله جهزي نفسج وشوفي ايناس خاف تحتاج شي 

 

رحت اله ساعدته رواحو سويه للحمامات واني مصطفى بقين كاعدين لكيته صافنه 

 

علي: ها ابو صوف شبيك شنو ولك صاير صفن 

 

مصطفى: خاب نجب عني وعلي ولابعيني واحد 

حجيتله بغمز: بس انوسه بعينك انت 

 

مصطفى: ام العيشه هاي روح والريه 

 

علي: شحجتلك 

 

مصطفى: خايفه وتكلي اول مره من راحت وي احمد  الايران من انوطها علاج كلوله العمليه خطره ولذالك ابتعدو عن عمليه وخلوها بس علاج وكل ما تصير صدمه او عصبيه صيره عده مضاعفات 

 

علي: والحل شنو نتركه تموت قبال عيونه شافت من عمره اني مستعد ادفع دم قلبي بس ما اشوفها بيها شي 

 

مصطفى: ولا اني مستعد اخسرها  وفلوسي كلهن خليتهن بيد ناصر حتى بس يصير شي يحولي 

 

علي: سهله اذا عله هاي هي مؤمنه ودعائه مستجاب وراحت دعت يم اهل بيت ما ترد خايبه اجن واحنه سكتنه 

 

مصطفى: يله امشن نختم جوازات حته اروح وكماماتجن عدلنهن رحمه دجاجت نوح 

ضحكت عليه شون هو عود معصب 

علي: استقر مصيفي كضيت عمرك تشرب الخيسه وتكوم طافر شوكت صرت صحي ونظامي هذني كامن يصيحن ولعبانه اروحتهن وهو مسنكر ضحك عليهن 

 

سوو الاجرات الالزم وصعدنه بطياره نور يمي وايناس يم مصطفى ايناس خايفه ومصطفى حاظنه ونور قرت ايات وغمضت عيونه 

 

علي: شنو راح ينتظرنه بهاي السفره ياترى وشون راح نرجع للعراق فرحانين لو الحزن تارس روحنه

يوم ستكتمل حروف الروايه وستكون العيون باكيه 

★★★★★★★★★

الحمدلله حمد كثير 

الهم صلي على محمد وال محمد