تاريخ النشر : 08/01/2024, 05:50:26

 

انثى_في_معتقل_الخطيئه 7

بقلمي نورا ..

زمن ...

كمية الخوف والوجع الي حسيتها البارحه كانت كفيله بان تخليني قويه واواجه مصيري وقدري .. كلمات الولد الي نسيت اسمه كانت مسامير وجع نبتت بقلبي من يگولي انت عاهر لااني مو عاهر .. اني زمن وراح اواجه هذا الزمن .. دااطلع من البيت صار بوجهي سيف .. لحظتها خفت بس هو شافني متنكره لابسه بنطرون جينز وقميص رصاصي وبي اسود وشال لافته ع وجهي بس عيوني وجزء من شعري وضفيرتي طالعه ..وبيدي جنطه للملابس حجمها متوسط مو كبيره يادوب تكفي كم قطعه امشي بيها حالي .. هو افتهم انه اني راح انهزم .. گال روحي زمن ولاتبقين هنانه .. وانطاني فلوس خلاهم بايدي ونضراته مااكدر افسرها .. فزيت ع صوت جاي من البيت ..سييييف .. باجي نوال ..سيف دفعني كال روحي ورقمي عندج اذا تردين شي خابري .. مالحكت ارد عليه .. اشرت اله بيدي .. وطلعت .. سيف عمره 18سنه هو الوحيد النوال شخصيته ضعيفه بسبب امه وتعاملها اله مره تحبه وتنطي حنان ومره تضربه وتعاقبه وتاذي .. بس هو تعامله ويايه غير شكل كلش حباب .. طلعت رئسا اخذت تكسي وكتله للمستشفى مدام نوال بالبيت اروح لامي اشبع منها ..

وصلت للمستشفى ورحت لامي .. بوستها وكتلها امي شون حعوفج .. گالت مباقيلي شي واودع ياامي نقذي نفسج لاتستسلمين .. كتلها وين اروح كالت عندي صديقتي هنا ببغداد .. عدهه منضمه اجتماعيه تحتوي النساء .. بس ديري بالج لان تعرفها نوال وخاف توكعين بيدها مراح ترحمج وهسه يلا روحي قبل لتجي .. واني اطلع لازمه ايدها مااريد اعوفها كانت مثال الحنان والحمايه الي لزمت ايدها للحد الي بعد خلص لازم اروح .. طلعت واتلفت خاف احد يشوفني .. مرت الدقائق والساعات واني حايره .. وامشي بالشوارع .جعت كلش مدااكدر اتحمل البارحه بدون عشه واليوم بلا ريوگ. شفت كشك يبيع لفات فلافل وكفت يمه .. كتله انطيني لفتين دااسد جوعي اباوعله يرتب اللفه ويخلي العنبه عليها اممم اخذتها انطيته فلوس. . وين راح اكلها .. باوعت اكو فرع بدايته مدرسه رحت امشي طبيت بي وكعدت وره المدرسه اكلته واتلذذ ميته جوع .. اكل واتذكرت الولد اريد اتذكر اسمه ماكو ق د تؤ إف .اسمه غريب وثگيل . بقه الكرت بجيب البجامه .. مالتي وغسلتها .. بس اتذكر المنطقه الي بيها المعرض مال السيارات ...

كملت اكل صارت الظهريه .. مددت رجليه ع التراب وره المدرسه وكبالي بيوت .. الرايح والجاي يباع عليه بس محد گلي شبيج شرايده بنيه بعمر زغير محد اله علاقه .. ردت اغفي بمكاني الشمس حركتني .. واني اسمع اصوات الطلاب بالمدرسه انقهرت حييل .. ياريت مكمله دراسه .. صار العصر كمت .. امشي محتاره وين اروح .. كل جوارحي تكولي روحي اله تصرفه ويايه تصرف نبيل .. يمكن يساعدني .. المغربيه صارت واني امشي .. اذا اروح للمراه الي انطتني امي عنوانها اخاف تلزمني نوال .. وشون بيه

..اشرت لسياره بالشارع وكتله ع المنطقه .. الي بيها معرض السيارات .. وصلني نزلت هوايه معارض صارت كبالي .. صرت اباوع عليهم اسم اسم الا ان شفت اسم معرض مو بعيد عليه .. اي هو نفسه الي قريته .. بالكارت معرض صباح .. مقدمته كانت من جام .. ويمه بايات كعدت عليها منتظرته يطلع بلكي يساعدني .. يوديني لاي مكان .. ماعندي غيره بعد اذا ماقبل هي هيه اروح لصديقة امي اخر امل عندي .كعدت ربع ساعه .صارت ساعه 10ونص بالليل .. طلع شفته وظل يباوعلي .. 

 

. 

. 

قياد.... :

وصلتها للمستشفى .. شي بداخلي انقهر عليها .. شي ثاني اتذكر بيها ورده وخليط المشاعر الي بداخلي بين شفقه وبين حنين وحب وحقد لورده ...

وصلت للمعرض وشفت رضا وسئلته عن الطفل .. كال زين. .صح متعبنا بس يبجي مستغرب منه بس فرحانين بي كأنه ابننا .. ومتناسين مشاكلنه ..

گتله .. شنو رأيك ... اليوم تجي ويايه .. معزوم يم وسام ع العشا ...

رضا .. لا يمعود وسام صاحب ميز .. انت وصلني للبيت احسن وروح اتعشا ويا

قياد... شوكت تتعلم تسوق والله تعبتني

رضا.. لايمعود اعفيني اخاف من السياقه اني تدري بيه ..

بعدهه اجه الرضا اتصال خلصه ورجع .. گلي هي نوال تسأل ع بنيه اسمها زمن جانت البارحه وياك وينهه هسه ..

قياد .. كللهم وصلتها للمستشفى .امها هناك . مثل ما طلبت مني

رضا .راح اخابرها واكول الها .. انت وصلتها للبيت

احسن هيج وله هيج هي مهزومه هالبنت

قياد... اوك .. بعد شويه اجه كال ولك ماكو لاهي بالمستشفى ولاهي باي مكان .. ولاهي الراجعه للبيت

گتله يعني شسويلهه اني ممسؤؤل عنها ..

رضا .. خلص هي اعتقد ممنهزمه من المستشفى لان نوال تكول طالعه من البيت مااخذه حاجياتها وطالعه

قياد ... گتله اوك ..بس بقى بالي يمها طول الوقت سارح خيالي وياهه ...كملنا شغل صارت ساعه 8 وصلت رضا للبيت ورحت الوسام صديقي تعشينه ساعه 10رجعت للمعرض. اخلص كم شغله .. نص ساعه وطلعت ..

7

شفت زمن گبال المعرض كاعده .. شافتني كامت ونظراتها كلها حيره وحزن والدمعه وكافه بنص عينها كنت احجي وي واحد من العمال ... تركته .. ورحت بإتجاهه .صارت تباوعلي بعيوني . گتله شعندج هنا ..

زمن .. فدوه ساعدني اني انهزمت ومااعرف وين اروح

قياد... انت متعمده تجين هنا مو ؟!

زمن ..لان مااعرف احد بس انت

قياد .. وليش متوقعه اساعدج .. منو گلج اساعد عاهرات اني ..

زمن .. تحولت نضراتي اله من توسل الى غضب .. درت وجهي عنه بدون مااحجي .. مااريد اجاوبه صح اني بنضره عاهره .. ليش يساعدني .. اخر امل عندي اروح لصديقة امي .. ماكو غيرها واذا لگفتني نوال اروح بيها او اقتل نفسي واخلص .. مشيت لمسافه قليله طبيت بفرع شبه اظلم بي بسطات بس معزله صرت امشي .اريد تكسي . حسيت. احد ديمشي ورايه

انوب صارو قريبين اليه .. وظلو يحجون

بسبس وين رايحه لج اوكفي شويه .. صرت امشي سريع .وكلما امشي الطريق يصير اظلم اكثر. وفارغ . بس هم لحكوني وحاوطوني .. تقرب عليه ولزمني من خدي گتله وخر عني كال امشي ويانه نتونس ونرجعج .. ضربته بجنطة الملابس واريد اركض لزموني مكدرت افلت منهم .. طلع سجينه وخلاهه ع رقبتي .جانت حاده حييل .حسيت انجرحت الخ جان بمقابيلي ... وشگ قميصي. وگعت الدگم .. صرت اصرخ شفت موتي بعيوني بين الظلام المخيف وريحتهم الكريهه وتصرفاتهم كزبر جلدي خله ايده ع حلكي .. ادفر برجليه واحوس والسجينه تجرحني حاده نزل الدم ع صدري .. بينما هم يردون يهددوني حتى اسكت .. سمعت صوت ورايه عوفوها .. ومصوب المسدس باتجاههم .. عافوني وراحو يركضون بس تركني وكعت على رجليه وسديت قميصي استر نفسي .. وصرت ابجي. واشهگ.. لزمت الجرح بأيد والايد الثانيه لزمت القميص .. استر روحي ... ردت اموت شفت الموت بعيوني اني شدااسوي اطلع من بيت نوال استر ع شرفي نسيت الشارع الي هو اضرب من بيت نوال بهوايه .....جيت قياد الي حسستني ان هو سند الي ..وحسيت بجيته بالامان ..

قياد.. شفتها طبت بفرع وراحت تايهه اعرف هذا الفرع خطر .. وبي هوايه مكبسلين ومدمنين يلتمون بي بالليل .. سحبت المسدس الي بالسياره جان دائما اشيله ويايه مرخصه.. وتبعتها شدتسوي هي .. تبعتها جانت سابقتني بهوايه خطوات الاان شفت المجرمين تحرشو بيها طلعت المسدس .. انهزموا مني مشككين ملابسها .. وجارحيها رحت الها .. وگتلها .. يلا گومي اوديج للبيت

زمن .. رفعت راسي وگتله .. يابيت ..

قياد .. بيتكم بيت باجيتج نوال بعد يابيت

زمن .. مشكور ع المساعده اني اتكفل بنفسي ورحت اخذت جنطتي من الارض فتحتها طلعت منها قميص لاخ .. نزعت القميص الي عليه وبقيت بالكيمونه ولبست الثاني .. سديت الجنطه وخليت قميصي القديم ع جرحي .. وكمت امشي .. اجه لزمني من ايدي .. تعاي ولج وين رايحه

زمن .. ارض الله واسعه واهل الحلال هواي ويلفوني ويسترون عليه حتى الله يستر على اهلهم .. وهديت ايده ..ودرت وجهي

قياد .. يعني عندج احد

زمن .. باوعتله بنضره استهزاء وعفته اجه صار گبالي وگال امشي ويايه للبيت ..

گتله بس... قاطعني وكال امشي هسه ويايه وبعدين يصير خيير. ..تبعته .. طلعنا من الفرع الموحش ..

فتح الي باب سيارته صعدت وراح هو صعد من الجهه الثانيه .. دار وجهي عليه.. گال بالله اشو اشوف جرحج .. رفع راسي وتفحص الجرح .. ايده دافيه ونضرات عيونه سحر .. صار قلبي طبل .. وشفافي ترجف .. گال مو عميق الجرح سطحي هسه اوديج للبيت والخدامه تنضفه الج گتله ماشي .. وصلنا لبيتهم دخلنه .. جنت امشي وراه ..اقصر منه اني هو طويل ومغطيني من يمشي واني بعده نزلت مرأه من الدرج ... باوعتلها گاني اعرفها شايفتها احساس بداخلي غريب اتجاهه ماادري ليش .. فزيت ع حسه يگول الها ها ماما حمدلله ع السلامه شوكت جيتو گالتله من ساعه حبيبي اجينه بوسها وبوسته بكل حنان .. بعدها اندارت عليه وگلتله منو هاي وهي تأشر عليه .. بأيدها

وللحكايه بقيه

 

يتبع