تاريخ النشر : 08/15/2024, 13:37:05

 

 

الكاتبه: نور علي

 

‏يا هنيّ و يا شوگ روحي

و يا عزيز  و يا مزار

يطفح بچفي حنينيّ

و من حَنيني إعليك أغار  

 

.

التصويت القصه متابعه الحساب واتباد تصويت بين الفقرات مهم جداً تعليقاتكم الحلوه بين كل فقرة لاتنسون انا احبكم مؤنساتي 🥺 💜 🫂

 

__________لهب البارود__________

 

بسم ﷲ الرحمن الرحيم

 

بارود : - بقيت بمكاني ادحگ باهر حسيت احد مسك بيدي سحبني حيل بس دحگت وجه جان ملثم....؟ 

 

باهر: -  اركض ادحگ وصلت البيت صحت عمي بارود الحگ على بارود  

 

ام بارود : - سمعت صوت باهر خمش گلبي من گال الحگ على بارود يمه شبي وحيدي رحت على باهر عمه شبي بارود وينه؟ 

 

باهر : - عمه اكو ناس البستان رجال ثلاثة أنا نهزمت بارود بقئ هناك انا ماردت اعوفه هو گال روح حتى تخبر اهلي گوه تطلع كلمه مني نفسي مگطوع من الركض 

 

ام بارود : - يمه شلون بيا منو الرجال شنو يردون من وليدي باهر اركض صيح عمك خلي يلحگ علي امشي 

 

باهر : - اي رايح طلعت ادور عمي وأبوي وصلت الديوان شفت الناس متكاونه أصواتهم عاليه يحچون بصياح كل رجال بيده سلاحه معد اعرف ايش يصير هينا ادحگ اريد بس اشوف احد منهم من بين الناس ماكو فتت بنصهم سمعت صوت عمي ابو بارود ركضت على الصوت شفته لازم واحد بيده چان زلمه يلفظ اخر انفاسه كله دم عمي ماسكه دحگت ابوي يهد ويرد يريد يمسك احد منهم اجه رجال جبير بالعمر صاح بيهم كلها وگفت على حيلها بدون حچي الفهمته هذا شيخ او شخص تهابه الناس بسرعه رحت على عمي گلت عمي اكو ارجال بالبستان بارود هناك 

 

ابو بارود : -  ايش تحجي باهر ارجال منو وشلون دخلو البستان بارود وينه 

 

باهر : - عمي الحگ على بارود وحده هناك يم شجرة الغلنطوز  ترك زلمه من ايده 

 

ابو بارود : - الغايب يعلم الحاضر الداس ارضي ودخلها اذبحه على أيدي واذا صار شي على ابني كل ارجال الديره ماتسد  تركت الحارس على أرض اخذت اسلاحي ابو باهر انت من هينا انا من هينا لاتخي احد بيهم يطلع من البستان رحت على البستان من الجهه الثانيه وصلت سلاحي بيدي دورت كل ارض كل شبر ماكو شي تلگاني ابو باهر شصار وياك 

 

ابو باهر : - ماكو شي كل ارض دورتها مااضن همه هينا شلون دخلو البستان هو كله مسيج بارود ماكو 

 

ابو بارود : -  عوف كل شي هسع بس كون ابني مابي شي دورته بكل مجان ماكو 

 

باهر : - رجعني ابوي على بيت ماخلوني اطلع ادور بارود وياهم بقيت انتظر ابوي وعمي  ماكو خبر منهم عمتي تبچي البيت كله دخل إنذار  دحگت رجعو بارود ماكو وياهم يابه عجل وين بارود هوا بقئ بالبستان  

 

ابو بارود : -  ماكو بارود ماكو احجيلي وين عفته شلون چان شفت منهم تعرفهم احجي باهر خلي الحگ على ابني 

 

باهر : - عمي ماشفت شي منهم چانو ملثمين بارود بقئ يم الشجره گال روح حتى تخبر اهلي انا اجيت أخبرك أنا ماتركته وحده بس هو گال روح چانو قربين منه 

 

ابو بارود : -  اكيد هما ماكو احد غيرهم اخذو ابني ابو باهر انت ابقى هينا عينك على البيت والبنوات انا رايح الهم 

 

ابو باهر : - ماتطلع وحدك انا وياك راح اخلي احد هينا ابوي موجود توكلنا 

 

ام بارود : -  اريد وليدي رجعه الي قبل غروب الشمس اريد بارود بحضني حتى لو يردون البيت انطي بس رجعلي وليدي 

 

ابو بارود : - يرجع بإذن الله انتِ ارتاحي مارجع اليوم له بارود وياي ملار عينج على امج لاطلعون برا البيت 

 

ملار : - ان شاء الله بويه تعالي يمه 

 

باهر: -  طلعوا عمي وابوي يدورون بارود  المحد يعرف وينه اجه جدي خبص الدنيا من عرف لان جان طالع الغير ديره تحزم بسلاحه اخذ نص الولد وياه الحگ أبوي صار الغروب بدت الشمس تغيب محد رجع منهم كلها مجمعه تنظر خبر 

 

ابو بارود: - دورت كل شبر بالبستان سئلت كل الناس ماكو خبر اجه ابوي ولد العم صرنه كم رجال اخذتهم رحت على الناس عندي وياهم اطلابه دخلت المضيف ياشيخ ابني نخطف اذا صار علي شي عشيرتكم كلها ماتسد 

 

الشيخ : - عمي أمر بس ابنك وين منهو أخذه؟ 

 

ابو بارود : -  عندي اطلابه وي ابو مصعب انا متأكد هو خطف ابني حتى ابيعه ارض كلها الديره تعرف بخلافي انا وياه هو من عشيرتك وناسك 

 

الشيخ : - ستريح ياولد تروح تجيب ابو مصعب وكل ويلاده بساعك بويه 

 

الجد : - حفيدي اليوم يرجع البيته والحساب نصفي بعدين هاي سوايت ابو مصعب محد سواها وياي الكل يعرف ابو سلطان شنو  

 

الشيخ : - ونعم منك عمي انا اخذ حقگ بيدي شنو تريد انا حاضر الكم 

 

الجد سلطان : -  ونعم منك ماتقصر  اعرفك ابن ناس خيره 

 

ابو بارود : -  بويه گلبي نار على ابني ماگدر ابقى گاعد ماسوي شي انا رايح البيت ابو مصعب ادور ابني وعدت امه يرجع اليوم  

 

الجد سلطان : -  انا ادري بيك خايف على ابنك بس انطر انشوف الشيخ انطه كلمه مايصير تروح قبل لاتسمع 

 

ابو بارود : - بقيت گاعد ونار بصدري اول مرا بارود يغيب عني خايف علي  انا اعرفه سبع لكن خوفي علي لان وحيدي الشاغل بالي امه هسه شصار بحالها  اجه ولد گال شيخ ماكو احد منهم هنا تأكدت ابني عدهم شيخ بعد انا تصرف زلمتكم دمه مهدور اخذ اگضبه اذبحه  اخذت اسلاحي طلعت ادور 

 

باهر : -  صار نص اليل محد اجه ولا خبر منهم بده الخوف يبين على وجهوهم جدتي گاعده تصلي ملار يمها تصلي عمتي تقراء قرآن بقيت گاعد وياهم انتظر عمامي يرجعون 

 

الجد سلطان : -  كل الديره دورنا بيها مالهم أثر اكيد طلعوا الغير ديره  كلفت ناس تدور مايطلع الفجر له بارود راجع معانه 

 

ابو بارود : - ضرب يد بيد

بويه ماضل شبر مادورته عجل وين راحو منو همه لو بس اعرف منو هذا اذبحه اشرب من دمه 

 

الجد سلطان: - هو يضرب عصاته بالأرض لاتخاف الفجر ابنك بحضنك الدخل ارض ال سلطان راح ياخذ جزاته 

 

ابو باهر : -  لاتخاف اخويا اكيد ابنك بخير بعد تعرف سبع ماينخاف علي 

 

ابو بارود : - حچه بنبرة خافته 

ادري ماخايف علي لان ابني اعرفه سبع بس خوفي منهم يسوون شي له ام ملار شفت حالتها شلون بالي يمها ويم بارود  

 

ملار: -  كاعده كل اعرفه اخوي ماكو تأخر الوقت كلها كاعده  رحت على باهر كاعد بالزاوية  عجل انت وي بارود ليش خليته وحده هسع هو وين بارود مايضل هل وقت كل يوم يجي والشمس طالعه هسع الشمس راحت من زمان  ليش امي تبچي ليش كلهم حزينين ...؟ 

 

باهر : -  ملار انا ماعفت بارود هو كال ارجع بعدين انتِ تعرفين اخوج سبع هسع يجي وي ابوج روحي نامي انتِ 

 

ملار : -  ماحچيت شي رجعت يم امي خليت راسي بحضنها هي تقراء قرآن بديت اغفئ 

 

باهر : - ادحگ تأخر الوقت حييل ماكو خبر منهم اكثر الكاعدين بده النعاس يأثر عليهم بقيت گاعد اراقب كلساع افز عبالي رجعوا  الكل نام له عمتي وجدتي باقين  انا ليش تركته وحده لو باقي معاه چان هسع اعرف مچانه لك شبيك باهر يعني شلون راح اعرف شلون راح ابقى معاه بقيت على هل وضع ساعه انصح روحي وساعه ألومها  چنت مدد حاط رجل على رجل غفيت بنفس الحاله مادري بنفسي 

 

ام بارود : -  قبل الفجر بساعتين شفت باهر غفئ كملت الصلاة رحتله عدلت نومته غطيته طلعت برا دحگت ماكو احد بس الفلاحين گاعدين على الباب  وينك بارود وينك وليدي رجعت گعدت اقراء القرآن الحد الفجر 

 

ابو بارود : -  بده الفجر يطلع انا مالگيت ابني ولا أثر له مثل مانگول بديت افقد الامل تركت كلشي توضيت بديت الصلاة  جالس اصلي اجه واحد على ابوي كملت الصلاه سمعت حديثه عرف مكان بارود  ركضت علي گضبته وين مكانهم احچي بسرعه 

 

الجد سلطان : - خله يحچي هدء بويه 

 

ابو بارود : -  گضبته احچي وينهم أريده بس ينطق بكلمه ويگول  : - گال بديره افلان بيت مهجور هذا اعرفه 

تركته اخذت اسلاحي من أرض خليته بالگراب ابويه أنت ارجع البيت تعبت مو زين على صحتك انا رايح اجيب ابني 

 

الجد سلطان : - ضربت عصاتي على أرض لاا ابويا انا وياكم يلاا ياولد مشونه 

 

ام بارود : - بده الفجر يطلع گلبي نار يمه وينك بارود يمه طلع الفجر انت ماكو گمت توضيت گعدت اصلي دموعي تنزل گلبي نار على وليدي 

 

ابو بارود : - يد على الستيرن يد على سلاحي چنت اسوق السياره كل السرعه والغضب اريد الزم هذا اخذ ابني مني لهفتي على بارود احس سنين مفارگه 

 

باهر : - فزيت من نومي على حلم خلاني اصب عرگ شفت عمتي بعدها تصلي الشمس حمره بالسماء بدت خيوط الضوء تطلع  البيت هدوء كلهم يصلون وقسم نايمين محد اجه ماكو خبر منهم هذا بحد ذاته رعب بالنسبه لنا هذا اليوم تذكر تفاصيله 

 

بارود : -  گعدت فتحت عيوني بس ظلام ماكو ضوء  ايديه مربطه الأرض بارده احس ضلوعي جامده  اسمع صوتهم يحچون صوت شي يتكسر طگ الحطب واحد يسوي نار حسيت خطوات احد تجاهي؟ 

 

 

 

 

 

 

 

 

 

 

 

 

 

 

 

 

يتبع تصويت بين الفقرات مهم جداً تعليقاتكم الحلوه بين كل فقرة لاتنسون انا احبكم مؤنساتي 🥺 💜 🫂 

 

دمتم في امان الله وحفظه 

 

الكاتبه نور علي