تاريخ النشر : 09/16/2024, 19:37:40
*البارت الثاني*
- يا أيُّها الأنسان :
أتخافُ من الدُنيا وربُكَ خالِقها؟
أتخافُ من ضيقاً وربُكَ الواسِع؟
أتخافُ من شيء واللهُ أرحَمُ الراحمين
فضل: وينجج مو كتلج حضري الملابس
حور: اي اي والله جاية نسيت الف شغله براسي
بارق : ماما ماما وين سيارتي اريد اللعب ماما عفيه يلا وينها وينها
حور: اهوو بارق روح شوفها بالغرفة شوفني مشغوله يا حبيبي روح انت شوفها
....
... وتمر الايام يوم حلو ويوم مر الى ان دخل طارق مدرسة وصارت العطلة الربيعيه واني متحمله كل المشاكل الخاطر ابني محرومة من ابسط الاشياء وساكته المهم ابني بالدنيا وحبي لفضل ماخذ عقلي اول انسان اشوفه واول حب صح الزواج تقليدي بس حبيته رغم عصبيته ومشاكلة اني احبه هواي بس الحياة صارت وياه لا تطاق
الصبح الساعه بالسبعه
فضل: حور حور كعدي مو جاي احجي
حور: ها شنو شصاير شبيك
فضل: منو هاي الي بالصورة
حور: افتح عيني واسدها يا صورة شبيك
فضل: بصوت عالي هاااااي انتييي
حور: شنوو اني هاي اصلا وجها مغوش مو اني شبيك فضل شنو انت شنو تحجي انطيني تلفون وبعدين هذا تلفونك اني منيلي تلفون شهل حجي
فضل: سكتيييي سكتييي هاي انتي يااااا..... استغفر الله بعدين حسابي وياج
حور: معقوله تحجي صدك انت عقلك بيه شي انت مو صاحي ابد والله مو صاااحي اتصل ع الرقم وكله منو هاي ليش جاي تتهمني
فضل: ما متهمج اني متأكد هاي انتي متأكد الف بالمية رايح وحسابج بعدين
.....
فضل: حضري روحج من ارجع كلشي تحجين الج ساعه اني رايح
حور كعدت ما مصدكة الحجي احس اني بحلم معقوله الي يحجي هذا صدك لو يشاقه معقوله جاي وجايب صورة يكلي هاي انتي منو الي داز هيج صورة ومنو هاي وليش هيج سوه اخ يارب راسي راح ينفجر ماجاي استوعب الي صار كل الي جاي يصير فوق طاقتي شهل الضيم ياربي معقوله هذا اختبار من رب العالمين
بارق.... اذكر امي بس تصفن وكاعدة بفراشها رحت يمها عيونها كلها دموع
بس بدون صوت
حجيت وياها ماما ماما تسمعيني ليش تبجين ماما حبيبتي
حضنتني وهي تبجي من كل. گلبها
حور: شوف بارق حبيبي اذا صارلي شي لا تخاف خوش حبيبي وخليك قوي ابني البطل
- مادري ليش حجيت هيج حسيت هاي اخر لحضات نعيش بهل بيت ماعتقد اضل وياه بعد هل الحجي هذا مو صاحي
🟡كل الصعاب بلطف اللّٰه هينة . .
طمن فؤادك لا تحزن ولا تقلق 🌟
يتبع......
